Euskara - Castellano - English

Parkeko flora mehatxatua

Desagertzeko arriskuan dagoen flora

---

“Espezie Mehatxatuen Euskal Katalogoa” deritzan zerrendan Parkeko 13 landare-espezie agertzen dira. Hurrengo taula honetan aurkezten dira aipaturiko espezieak, zer mehatxu mota duten eta zein lekutan aurkitu diren zehaztuta:

Fauna en peligro de extinción

ESPEZIEA	MEHATXU MOTA	HERRIA
Aster alpinus		Mugarra, Udalatx
Berberis vulgaris		Alluitz, Untzillatx
Gypsophila repens		Anboto
Tozzia alpina		Anboto
Allium victorialis		Anboto
Armeria pubinervis		Anboto
Huperzia selago		Anboto
Ilex aquifolium		Urkiola, Saibi, Urkiolagirre
Narcissus asturiensis		Leungana
Narcissus pseudonarcissus gr. nobilis-varduliensis		Mugarra, Aldazitala, Saibi
Pinguicula lusitanica		Urkiola
Taxus baccata		Anboto, Eskuagatx, Aramotz
Veratrum album		Anboto, Saibitd

Idazkuna:  Arraroa  Interes berezikoa

---

Arriskuan dauden landareei dagozkien mehatxu faktoreen artean, abeltzaintza, zapalketa, landare bilketa, ugaltze arazoak, gune hezeen lehortzea, baso ustiapen desegokia, landare-populazio batzuen kopuru urria eta klima aldaketa dira aipagarrienak. Parkea Erabilera eta Kudeaketa Gidatzen duen Planak (PRUG) zehazten du landare-populazio mehatxatuen segimendua eta zaintza, baita landareon bizitokien ingurumen baldintzak. Habitat edo bizitoki “urriak” eta “zaurgarriak” zaindu beharra, horretarako behar diren neurriak bideratuz. Lehentasunezkotzat jotzen dira, batetik, “haitzetako landarediaren babesa eta berreskurapena” eta, bestetik, “Parkeko turbategi eta esfagnadiena”. Haitzetako landarediari dagokionez, abeltzaintzaren presioa gutxitu beharra ikusten da. Horretarako, ahuntz taldeak kendu eta zenbait eremu hesiz inguratu beharko litzateke, oraindik egiteke gauza bata nahiz bestea. Turbategi eta esfagnadiei dagokienez, inbentarioa egin da eta hesi bidez babestu.

Goian aipatutako babes neurriok ez dira landaretza kontserbatzen laguntzen duten bakarrak, izan ere PRUG delakoak araudi berezia xedatu du baso autoktonoak babesteko. Era berean, giza jarduera ezberdinen erregulazioak biodibertsitatea kontserbatzea duenez helburu, eragin positiboa izan dezake landareen babesean.

Denok lagun dezakegu landaredia kontserbatzen. Horretarako, aintzat hartzekoak dira hurrengo aholku hauek:

• Lorerik ez biltzea. Hobeto daude argazkian, ezen ez zakarrontzian.
• Hesiak errespetatu eta ez ahaztu ateak ixtea.
• Ez ibili bideetatik kanpo, batez ere erraz higatu edo erosionatu daitezkeen guneetan.
• Autoz ez ibiltzea baimendutako errepide eta pistetatik kanpo.
• Hondakinik ez botatzea, ezta janari hondakinak ere.
• Baten bat ikusiz gero landareak premiarik gabe biltzen edo kaltetzen, basozainei abisatzea.

 

---

2006 - 2007 © Abadiño Elizateko Udala - Eskubide guztiak erreserbatuta